3 Bed Farm/smallholding for Sale Klerksdorp Rural Klerksdorp

Hierdie 260-meter waterfronteiendom is volledig onafhanklik van Eskom en word voorsien deur ’n 30 kW sonkragstelsel. Die 21.4 hektaar is toegerus met twee toringspilpunte, ’n volledig ingerigte pompstasie, en draglines saam met 3.5 ha permanente handline. Daar is 20 hektaar waterregte vir besproeiing uit die Johan Neser-dam (Klerksdorpdam).
Alle plaastoerusting en implemente is INGESLUIT in die verkoop.
Daar is ook munisipale goedkeuring vir 10 deeltitel-erwe op die dam-oewer, elk ongeveer 1000 m² groot.
Vir veeboerdery is daar beeshanteringsfasiliteite met ’n skaal, ’n laaibank, asook ’n voerkraal met kapasiteit vir 250 kalwers. Die stoorgeriewe sluit ’n toe stoor van 20 x 22 m, sowel as verskeie kleiner store in. Daar is twee werkershuise, twee toegeruste boorgate, en vier perdestalle.
Die hoofhuis beslaan 352 m² en is ’n ruim drie-slaapkamer dubbelverdiepinghuis met ingeboude kaste en volledig geteël. Dit bied ’n pragtige uitsig oor die dam, ’n groot stoep, en twee volledige badkamers met gasgeysers. Die kombuis is ruim, met ’n gasstoof, ingeboude kaste en ’n aangrensende spens. Verder is daar ’n ingangsportaal, eetkamer, groot sitkamer en ’n kroeg-/kuierarea wat na die swembad lei.
‘n Tweede woning bestaan uit drie slaapkamers, een volledige badkamer met ’n gasgeiser, volledig teëlvloere, en ’n oopplan kombuis en sitkamer.
Die onderdak-braaiarea sluit aan by die 100 000 liter swembad, wat ook ’n aantrekkamer het. Daar is ’n aparte waskamer en ’n afdak vir vier voertuie.
Die tuin het volledige tuinbesproeiing, ’n groentetuin met besproeiing, ’n 100 000 liter eendedam, asook verskeie buitegeboue.
Die eiendom is ten volle omhein met precast walling.